Allt er vænt sem vel er grænt - og vel slegið!

Kæru lesendur

Í maí síðastliðinn varð ég var við það hvað grasið í kringum ákveðna bensínstöð í hverfinum mínu er einstaklega illa hirt. Ég lét þetta viðgangast í þó nokkurn tíma, en eftir að þetta hafði tekið mig á taugum í hálfan mánuð var mér nóg boðið. Ég sendi eiganda bensínstöðvarinnar bréf og lét hann kurteisislega vita af þessu vandamáli þeirra. Ég hefði haldið að hann yrði mér þakklátur fyrir ábendinguna og slægi grasið þegar í stað. En nei, nei, síðan er liðnar tvær vikur og ég hef ekkert heyrt meira frá honum og grasið er enn óhreift - og heldur áfram að vaxa þvers og kruss! Nú er farið að koma að því að ég geri viðeigandi yfirvöldum viðvart. Þetta hefði aldrei viðgengist á bensínstöðinni sem faðir minn átti hér áður fyrr - þar var flötin hjá stöðinni slegin hálfsmánaðarlega af honum sjálfum með fyrsta flokks sláttuvél.  

Athugasemdir

[Geirlaugur Halldórsson (IP-tala skráð) 22.6.2010 kl. 00:14]

Þetta starfsfólk er orðið svo ungt þessa dagana. Því hefur greinilega ekki verið kennt um almenna siði og hvað telst sem sóðaskapur. Ekki getur nú verið að þetta sé bensínstöðin við Klöpp því þar hef ég nú séð marga ósiðina varðandi garðyrkju. Annars er þetta flott blogg hjá þér og ég er hjartanlega sammála hugsunum þínum. Styðjum siðmenningu og stöndum saman!